पनवेल - कोरोना विषाणूंचा प्रादुर्भाव वाढू लागल्यामुळे, राज्य सरकार व केंद्र सरकारने आपत्कालीन परिस्थिती जाहीर केलेले आहे. अशा परस्थितीमध्ये सर्व राज्यात साथरोग रोग प्रतिबंधात्मक कायदा १८९७ हा १३ मार्चपासून लागू झाला आहे. या कायद्यानुसार पनवेल महानगरपालिका हद्दीतदेखील कोरोना समिती स्थापन करण्यात आली आहे.
कोरोना रुग्णाची अधिक माहिती घेण्यासाठी, आशा वर्कर्स सोबत शिक्षकाची नेमणूक करून पालिका हद्दीत सर्वेचे काम सुरू केले आहे. मात्र दोन दिवसांपासून काही शिक्षिका या कर्तव्यवर हजर राहत नसल्यामुळे अशा जवळपास ३६ शिक्षकांना कारणे दाखवा नोटीस बजावून निलंबित करण्याचे आदेश पालिका आयुक्त गणेश देशमुख यांनी दिले आहे.
अशा जवळपास ३६ हून अधिक शिक्षकांना कारणे दाखवा नोटीस बजावून त्यांना निलंबित करण्याची तयारी पालिका आयुक्त गणेश देशमुख यांनी सुरू केली आहे.या काळात कामात कामचुकार पणा करणाऱ्या कर्मचाऱ्यांवर तात्काळ कारवाई करण्याचा अधिकार प्रशासनाकडे आहे.
